Description

‘કર્તવ્ય પંથે’ એક ઐતિહાસિક અને નૈતિક ભાવનાથી ભરેલું ઓપેરા છે. તેની કથા પ્રાચીન અવંતી રાજ્યના સમયની છે. તે સમયે અવંતીના રાજા અજયરથ એક લોકપ્રિય અને શક્તિશાળી શાસક હતા. તેમને બે પુત્રો હતા — મોટો પુત્ર બલરાજ અને નાનો પુત્ર ભાનુમિત્ર.

બલરાજ સ્વભાવથી અસ્થિર, વિલાસી અને સત્તા માટે લલચાયેલો હતો, જ્યારે ભાનુમિત્ર સયમી, સદાચારી અને આદર્શ યુવાન હતો. રાજ્યમાં શરૂઆતમાં શાંતિ, સમૃદ્ધિ અને સુખનું વાતાવરણ હતું. પ્રજા પણ ખુશહાલ જીવન જીવી રહી હતી.

પરંતુ રાજ્યના પડદા પાછળ એક દુષ્ટ શક્તિ કાવતરું રચી રહી હતી. તે રાજ્યમાં અશાંતિ ફેલાવવા માટે ગુપ્ત રીતે યોજનાઓ બનાવતી હતી. આ દરમિયાન પરદેશી શકા જાતિના યુદ્ધાઓ ભારતમાં પ્રવેશ કરી રાજ્યો પર કબજો જમાવવાનો પ્રયાસ કરતા હતા. આ પરિસ્થિતિથી દેશ અને રાજ્ય પર સંકટ ઊભું થયું.

આ સંકટ સમયે સાચો માર્ગ એટલે કર્તવ્યનો માર્ગ પસંદ કરવો જરૂરી બન્યો. ભાનુમિત્ર દેશ, પ્રજા અને ધર્મ માટે પોતાનું કર્તવ્ય નિભાવવા તૈયાર થાય છે. તેની વફાદારી, શૂરવીરતા અને આદર્શતા દ્વારા તે દેશ અને રાજ્યની રક્ષા કરવાનો પ્રયાસ કરે છે.

આ ઓપેરા દ્વારા સંદેશ આપવામાં આવ્યો છે કે વ્યક્તિએ લાલચ, સ્વાર્થ અને ભોગવિલાસ છોડીને પોતાના કર્તવ્યના માર્ગે ચાલવું જોઈએ, કારણ કે એ જ સાચો ધર્મ અને સન્માનનો માર્ગ છે.

Keywords